أخبار .. أهرام .. جمهورية..
من رئيس الوكالة الذرية
الى رئيس جمهورية مصر العربية...
هي ده القضية !!!
يا برادعي ، حتعمل إيه؟
أنا حقولك .
حيبقى الحال على ما هو عليه..
الريس هو المسؤول ؟
والشعب دايماً بقول ..
التغيير ..التغيير
ولا القيامة حاتقوم
ده حتى شعبولا طالب بالإصلاح
ومن الحال ده ما حادش مرتاح..
حنغير إيه ولا إيه ؟
قانون الطواريء حانلغيه !
طيب الفقر والأمية..
وأولاد الأم المصرية
حيدوهم الجنسية..
والعشوائيات حيقلبوها فلل وشاليهات..
والله ده حتبقى عيشة هنيه...
ده حتى الغيمة السوده
مش سايبانا في حالنا
على طول ملازمانا..
بقولك الفقير:
لحمة ما فيش
دنا من أكل الفول بقيت فول
والمسؤول عنك مش مسؤول
حتى هدمة كويسة ما نلاقيش
وإزاي حانعيش
تعيش العدالة الاجتماعية تعيش ..
آه ..75 مليون
نصهم يا عيني عايشين...
على كلمة آخرها بحرف النووووون!!!!!!!
حتى ينسون ، وهمهم لا يتذكرون
والمسؤول طبعا ما دخلوش
حوش حوش..
والله شعبنا موهوب
دايماً على راسه مضروب
وكله في الباي باي..
ده عشان كوره صارت أزمة دولية
مصرية جزائرية
ده الأزمة اللي ما لهاش لازمة
حقول إيه ولا إيه
داقت الدنيا بوش الفقير
ولسه بقولك التغيير
راح يصير ، راح يصير..
ده هم ايه ده يا ربي
رد عنها المصايب والمتخبي..
مصر يا أم الدنيا
خليك دايما قوية
مصر يا امي وأبويا
مسكره حدودك ليه
بوش جاري وأخويا..
اصبري على حماس وفتح ..
وقوليلهم يفتكروا العيش والملح..
مش عايزين نقول
خلي الطابق مستور
عايزين كل شيئ على نور
العرب كلهم شربوا من نيلك
وعاشوا معاك بفرحك و بهمومك ..
مسلم ومسيحي سوا نكون ..
والفتنه بعيدة عنا مهما يكون
يا أولاد الحلال
نور ولا برادعي ولا جمال ..
عايزين نعيش بسلام
وأولادنا يشوفوا الهنا والدلال..
مش كفاية
كل هموم العالم عندنا
ده كفاية اسرائيل لسه محتلة أرضنا..
يا ما عملنا مظاهرات
ده بس شعارات ..
وخود وهات ..
وهاي يا شعبي هاي..
وجع قلب ..وهم ما يتلم
ووهم كبير
والتغيير مش راح يصير..
مصر يا محروسة
دايما في عيونا حلوه وعروسة
مصر يا أحمد شوقي ونجيب محفوظ..
مصر يا أحمد زويل و طه حسين...
مصر ما يهمكيش ..
تحملتي كتير ..
قلبك كبير ..
وكرمالك يا مصر
راح غض النظر
وادعيلك فجر وعصر
والتغيير لازم يصير، لازم يصير
Dalal kaissi 4/2010
ليست هناك تعليقات:
إرسال تعليق