نصائح مفيدة باللبناني

1. أولا:

ولا ممكن بأي شكل انك تعرف مين عملّك بلوك ع المسنجر مستحييل.. لأنو في اتفاقية ترخيص للمسنجر بتمنع هالشي.. و مهما وصلك ايميلات انو عريف مين عاملك بلوك, بكون هالشي كذب و دعاية

2. تانياً..

مستحيل يتهكر ايميلك الهوتميل, أو الياهوو أو الفيسبوك، لأنو المسؤولين عن هي الإيميلات شركات كتير كبيرة و قوية, و معادلات التشفير اللي عم تطلع, بدها سنين لحتى تقدر تفك كلمة سر وحدة، و اذا ما كان الشخص يللي مهكرلك اخو اختو... أو انت غلطان و فاتح ايميل ما لازم تفتحو.. مستحيل يعني يتهكر.

3. تالتاً..

مستحيل شركة مايكروسوفت تلغي خدمة الهوتميل, لأنو هيدي الخدمة معيشتها, فإياكن تصدقو انو ممكن يتسكر ايميلك الهوتميل، مايكروسوفت شركة منافسة لشركات كبيرة متل غووغل و ياهوو, و مستحيل تلغي خدمتها الأقوى و الاكثر منافسة بين الشركات.

4. ًرابعا,

اذا ملاقي الانترنت مش عاجبتك شكلها, غيّر المتصفح تبعك للفايرفوكس او ع الأقل اكسبلورر تمانة, و لسا عم تستخدم اكسبلورر ستة..
اذا ما بتعرف شو يعني فايرفوكس او سفاري او كروم, هيدي متصفحات انترنت (برامج) مهمتها انو تعرضلك صفحات النت، متل الوورد مثلا يللي مهمتو يكتب النصوص و يعالجها..
اتوجه فورا إلى getfirefox.com يللا

5. ًخامسا..

قسما بالله.... يللي بسمعو من هون و رايح عم يقللي انو ايميلو الهوتميل اتهكر لأنو في واحد فطحل بالانترنت هكّرلو.. بأفا ايدي ع نص وج خلقتو.. لأنو مهما كان فطحل.. فهاد الشي مش مهم... المشكلة فيك انت لانك حاطط كلمة سر هيي اسمك و يوم ميلادك فغيرهن هلأ و ما تحط كلمة سر من الواحد للتسعة يا فهمان, او تحط اسمك و بعدين كم رقم.. لأنو يللي بدو يقصد يحزر الكلمة, مستعد يجرب 200 خيار لحتى يلاقي الكلمة.. و عملتها أنا من قبل و جربت اكتر من 250 احتمال, ووصلت لكلمة سر احدى الشخصيات. واذا عن جد كتير انت واحد متوسوس من هاد الشي فالك نصيحة انك تحط اول رمز من كلمة السر نجمة *  وتكون الباسوورد من 20 حرف

6. ًسادسا..

لما تروح ع الكافيه نت,إفتح ملف نوت باد أو تاكست أو وورد، واكتب فيه الأحرف الأبجدية الأجنبية كلها وبلش انسخ إيمايلك وكلمة السر حرف حرف ميشان ما يكون في عنده برنامج اللي بيحفظ الكايبورد واتأكد انك عملت تسجيل خروج, و لا تسجل كوكيز ع جهازك, يعني بعد ما تخلص من مسنجرك, عميل تسجيل خروج و سكر المسنجر, أو اذا فاتح ايميلك او الفيسبوك أو اي شي.. اتاكد من تسجيل الخروج, لأنو مجرد تسكير الصفحة ما بيعني انك طلعت من الموقع, لأنو في ملفات بتنزل ع جهازك بتحفظلك دخولك لمدة معينة اسمها مدة الجلسة.

7. ًسابعا..

لما بتضيفك بنت ع الفيسبوك, ما عندها غير صورة وحدة و شالحة نص تيابها, هي بتكون شركة عم تحاول تجمع 5000 عضو مشان تبعت دعايات لا تصدق انها بنت و تصير تبعتلها, شكرا ع الإضافة.

8. ًثامنا..

لا تصدق و تبعت الإيميل لعشر اشخاص بعدين تكبس (اف ستة)، لانو اف ستة, بتنقلك لشريط العنوان و بس, بكل المتصفحات.. و ما بتطالعلك اسم حبيبك ابدا..

9. ًتاسعا.. :

حياتك مش متوقفة عند بعت ايميل، فإذا ما بعتو شي مسج ما رح تموتو ولا رح ينشل ابن عمكن ولا رح تنهار البناية عليكن ... ورئيس الأرجنتين ما مات لأنو أهمل رسالة العدرا لأبنائها .....

10.  ًعاشرا.. :

ما رح يصير معكن سرطان من الديودوران ..ولا رح يهر شعركن من الشامبو .. والكولا صحيح بتفتح البلاليع بس صالحة للاستخدام البشري ........ يعني الليمون بيهري البلاط بس ما بموتنا ..

11. حدعشاً.. :

كوكا كولا بالمقلوب مش لا مكة لا محمد ...... ما حدا بدو يعمل بار على شكل الكعبة .... هاد مركز خدمة ماكنتوش.. والرسام الدانماركي بعده ما احترق... وبالنرويج ما بدهن يحرقوا القرآن السبت القادم ... إي وعزة رب العالمين صارت جايتني هالرسالة مدري كم مرة وكل مرة بيقولوا السبت القادم وصار مقطع شي 6000 سبت وإسا ما احترق واللي كل همه يبعت هالرسايل للعالم كلها يروح يشوفلو شي طبيب نفسي

12.  ًطنعشا .. :

و لا في بنت بين الحياة و الموت إذا ما بعتت الأيميل لكل الكونتاكت اللي عندك و بهدلت حالك رح تموت هالصغيرة فوراً.

 

13. ثلاثطعشا.. :

ولا حدا يقنعنا انو كل ما تعمل فوروورد لشي ايميل ديني انو نبعتو لحدا .. و يحلفنا بالله و بكل الانبياء و الرسل لان اللي بدو يذكر الله ويحلف فيه ويحب الرسول مو منتظر هاد الايميل منك بيعرف يحلف لحاله

ارسلها الى كل لي عندك و ستسمع خبر سعيد خلال ساعة
ااااااااااااااانتبه في واحد بالصومال تجاهلها ذهب في اليوم الثاني على امتحان industrial و نسي الآلة الحاسبة
P:

وشكرا...... جداً ....... جزيلاً