شوية احصائيات عن الأردنيين

* بين كل 8 أردنيين ، هناك 10 يؤمنو بوجود ذهب بحديقه بيتهم او تحت العمار أو مزرعتهم بالبلد الاصلي بس الله يسامحه الجن مش راضي يفك الرصد

* الباندول حل ل 87% من أمراض الأردنيين

* 4 من كل 5 سائقين تاكسي بالأردن كانو طلاب هندسة لكن لم تسمح لهم ظروفهم اكمال دراستهم , الباقي طلاب طب

* 8 من كل 10 اذاعات اردنية , حصلت على المركز الأول حسب احصاءات ابسوستات

* 86% من الأردنيين صحّت لهم سيارتك اللي اشتريتها جديد بسعر أرخص من ( 2000-3000) دينار لكنها لم تعجبهم

* 82% من آباء الأردنيين درس على ضوء الشمعة ، و ما زلنا نبحث شو كأنو يعملوا طول النهار

* 79% من العائلات الاردنية لديها فرد لازم يكب العصير لما يكونوا في مطعم ، 85% من العوائل الاردنية لديها فرد "كان حاس انه رح ينكب"

* 78% من اللي يرمون اشياء في الزباله يقوم بالتمثيل كأنه لاعب كرة سله و يقول لك شوف شوف و يرميها و آخر شئ برا

* 88% من الفيسبوكيين الأردنيين لا يقومون بعمليه اللايك، لاعتبارهم انه ينقص الهيبة

* 80% من الأردنيين يكرهون أزمة شارع المدينة ، 110% منهم يشترون العشا من هناك

* 70% من الأردنيين بستحو يحكو إسم الوجبات بالمنيو أمام الچرسون ، فيقوم برسم دائرة حول إسم الأكلة ، مع تمثيل لحركات انه مستعجل

* 9 من كل 10 مفاتيح كيا سيفيا 1 استخدمت لحك الأذن

* كل 71 ثانيه يقول أحد الأردنيين لصديقه ان عنده فكرة مشروع تجاري ناجح

* 99% من آباء الأردنيين كانو الأوائل على صفوفهم ، 70% منهم لا يفك الخط

* و على هالرسالة 90% منكم راح يحكوا انه جدهم صحله ارض بعبدون او جبل الأشرفية ب 15 ليره او يبدلوا بعنزه بس ما رضي.