* اذا انكسرت كاسة بيقولوا: انكسر الشر(تقولوا الشر مخلوق من الزجاج)
* اذا مر حدا فوق الطفل ، ببطل يطول
( لا و الالعن انو عشان تلغيها لازم تمر بالعكس !! )
* قص الاظافر بالليل مو منيح
(لا تسألو ليش ما بعرف ولا حدا بيعرف)
* للي بيفوت على بيت جديد بيفوت معه عرق اخضر ومقص و مصحف و يدخل بالرجل اليمين
(واللي بيعمل غير هيك بيتحول لسعدان !!)
* اذا اجت الكندرة فوق الكندرة يعني رايحين مشوار
(واذا اجت تحتها يعني راجعين من المشوار ؟؟!!)
* اذا زحف الولد او زقزقت العصافير معناها جاينا ضيوف
(وبهيك حالة لازم توقفوا ورى الباب لانهم بكونوا طالعين عالدرج)
* اذا طنت ادنك اليمين حدا عم يحكي عنا بالمنيح و اذا طنت اليسار معناها حدا عم يجيب سيرتنا بالعاطل
(واذا طنوا مع بعض معناتها طرشت عليك العوض) JJ
* اذا رفت عيني اليمين بيكون جاينا خبر طريف واذا رفت عيني الشمال بيكون جاينا خبر مو منيح
(اما اذا رفوا سوى فأنت اكيد احول)
* اذا حكني حاجبي معناها بدنا نستقبل حدا جاي من السفر
(و اذا حكك الشمال معناتو بتكون بتغمز وحده بالطريق)
* إذا حكني كفي اليمين معناها بدي أقبض مصاري ، و إذا حكني كفي اليسار معناها بدي أدفع مصاري
(اما اذا حكك شي تاني بقى فأنت اكيد جربان روح تحمم)
* و ما بصير الحمام بالليل(طبعا شي بديهي لأن اكيد المي بتكون مقطوعة)
* و ما بينفع كب المي بالليل من غير التسمية بالله و الاستعاذة أولا(يا لطيف مشان ما يأذونا ولا نأذيهن، مين هم !! الله اعلم )
* وإذا عمل الواحد تحتو على الأواعي يعني جاييكم رزقة
(وما لازم تغسل ملابسك ابو سنة زمان مشان الرزقة)
* و دلق القهوة رزقة
(وكمان نفس الحكي خليها مدلوقة لا تمسحها)
* و شرب المي بعد القهوة قلة زوء
(حتى لو اتشردقت موت ولا تشرب مي ) :JJ
* كمان يلي حامل بصبي بتحلا واذا حامل ببنت بتتباشع
(طب و ازا حامل بتوم ؟!! )
* وإذا الطفل قعد بالصينية وهي عالأرض بيرتعبوا ،لأنه هاد الولد رح يضيع
(ويمكن يتشرد هاد اذا ما طلع حرامي كمان ) JJ
* و كمان إذا حدا صبلك شاي او قهوة وملى الفنجان كتير بكون قلبوه مليان منك
( يعني ازا زايده قلبوه مليان عليك وازا ناقصة هدا دليل على انو هالشخص ناقص، حيرتونا !!)
* والي بيعدّ النجوم بيطلعلو تالولات بايدو
(بس ازا عديتهم صح يمكن يطلعلك جائزه !! ) J
* وبعد ما نخلص صلاة نطوي السجادة مشان الشيطان ما يصلي عليها
(خلّيه يصلّي بركي يتوب ويصير يوسوسلنا بالخير!!)
ليست هناك تعليقات:
إرسال تعليق